எனக்கு ஒரு துப்பாக்கி வேண்டும்
அதில் பல்லாயிரம் குண்டுகள் இருக்க வேண்டும்
சமூகத்தின் பெயரால் வாழும்
அயோக்கியர்களையும் தலைவர்களையும்
பகிரங்கமாகச் சுட்டுக் கொன்று
நடுவீதியில் வீச வேண்டும்
மற்றவன் கண்ணீரில் வாழ்பவனும்
மாற்றான் மனைவியைத் தீண்டுபவனும்
மதபோதகராய் வேசமிட்டு
சிறுவர்களுன் சேர்க்கை செய்யும்
மார்க்கம் போதிப்பதாய் ஓலமிடும் ஆசாமிகளையும்
தலைவன் எனச் சொல்லிக் கொண்டு
தான்தோன்றித் தனமாய் வாழும்
குடிகாரத் தறுதலைகளையும்
எனது கையால் கொல்ல வேண்டும்
உத்தம வேசம் போட்ட வீர புருஷர்களையும்
களவானிப் பயல் கூட்டத்தையும்
எல்லோரையும்
எல்லோரையும்
கனவொன்று கண்டேன்
துப்பாக்கி வீரனாகவும்
வாள்வீரனாகவும்
போர்வீரனாகவும்
வலம் வருவது போல
அடுத்த தலைமுறையிலேனும்
தென்றல் வீசட்டும்.
No comments:
Post a Comment